انا مخنوووووق!!!

انا واحد بينكم و منكم......يمكن اكون انت او انتى.
حسيت فى لحظة انى مخنوق........ضعيف.........مش طايق حياتى
يمكن يكون من حالى.....من دنيتى........من صحابى.........من مذاكرتى
مش عارف بالظبط!!!!!!
هى حالة جاتلى و حسيت بيها.....حاسس انى فى سرداب و مش لاقى حد يطلعنى منه!!!!!
حاسس انى لوحدى فى الدنيا دى و يمكن ف اللحظة دى مش واثق فى حد
يمكن يكون مش راضى عن نفسى.....عن شكلى ....عن مضمونى!!!!!!
حاسس ان المذاكرة فوق دماغى و مش لاقى لها حل!!!!!!
مخنوق من كتر المواد اللى بدرسها و مطلوب انى اعدى منها
و الشغل متلتل فوق دماغى او الفراغ مالى كيانى او الدنيا مقفلة ف وشى
عليا ضغط عصبى شديد و بيزيد شوية بشوية!!!!!!!!
دماغى فيها كتيييير و مش عارف ارتبها
حسيت ان الدنيا ضيقة عليا و بتخنقنى و مش لاقى مخرج منها
ودانى ماسكها الوسواس و بيشككنى فى اللى حواليا
حتى صحابى بقيت شاكك فى اخلاصهم!!!!!!! فى حبهم !!!!!!فى امانتهم
ليه؟؟؟؟متسألونيش لانى مش عارف الاجابة!!!!!!!
حواليا مليون صديق بس مخنوق و مش عارف احكى لحد
و اللى بحكى له بيفتكرنى ضعيف و بيستقوى عليا و مبقاش يهتم!!!!
طب اعمل ايه؟؟؟؟؟؟؟؟
بعيد عن اسرتى اللى مبقعدش معاهم غير كل فين و فين
يمكن بهرب منهم او ممش بلاقى حد فيهم فاهمنى
مش عارف!!!!!!!
حاولت اكلم نفسى ......اواجها.......اعرف انا عايز ايه و ليه انا فى دايرة مش عارف اخرج منها!!!!!!
فضلت على الحال ده و قلت اغير الموود
فتحت الكاسيت و الكمبيوتر على اغانى و موسيقى و قلت اهوو هغير الموود
لقيت نفسى بتخنق اكتر و اكتر
قررت اروح اخرج فى اى حتة و دورت فى الشوارع عشان الاقى مكان اعرف و الاقى نفسى فيه
رجعت زى ما نا بالعكس بقيت مهوم اكتر و اكتر!!!!!!!
مسكت ريموت التليفزيون
و قلت اقلب فى القنوات يمكن الاقى حاجة تسلينى و اخرج من اللى انا فيه
و بالصدفة لقيت شريط الاهداءات اللى تحت مكتوب فيه
بسم الله الرحمن الرحيم " ألا بذكر الله تطمئن القلوب" صدق الله العظيم
فكرت فيها اكتر و اكتر و سأللت نفسى بعدها قلت
يااااااااااااااااااااه
"الله" انا فين بالنسبة لربنا!!!!!
طب انا مين!!!!!!
طب قلبى فيييييييين!!!!!!!!
طب يا رب انت عارف باللى حاسس بيه!!!!!
حاسس بالضيقة اللى انا فيها؟؟؟؟
شايفنى؟؟؟ سامعنى؟؟؟؟
أنا مخنوق و عايز حد يسمعنى و يحس بالألم اللى انا فيه
قلبى ضايع مش عارف راح فين
آية قرآنية شدتنى و رجعتنى لنقطة سيبتها من زمن فات
لقيت دموعى بتنزل من عنيا و و قومت اناجى ربنا و بفرد ايديا و بدعى لربنا
ارحمنى يا رب......دنيتى ضاقت بيا.......صحابى مش لاقى نفسى بينهم
انا بعيد عنك........رحت بعيد اوووى......مبقيتش عارف الصح من الغلط
تايه......يمكن!!!!!!
مسكت المصحف و قريت فيه و بخشوع و راحة حسيت بيها
و بسكون ملى ضلوعى و هدوء نفسى محسيتوش قبل كده
و على سجادة صلاتى لقيت نفسى بصلى بتمعن و بين ايدين الرحمن بدعى
انه يرحمنى......يفك كربى......يفرج حزنى......يخرجنى من ازمتى......يداوى جروحى....يخفف المى......يعز شأنى......
حسيت بعدها ان اللى انا فيه ده ولا حاجة......حسيت انى شايف حياتى بشكل تانى
ما هو كل حالة و لها مفتاح
اذا
المذاكرة ضاقت عليا او ازمة فى شغلى ف ربنا قال" رب اشرح لى صدرى و يسر لى
امرى و احلل عقدة من لسانى يفقهوا قولى" فى القرآن الكريم
و اذا اضايقت من صديق او من حد ظانن انه هيأذينى اقول" اللهم لا تسلط عليا بذنوبى من لا يخافك و لا يرحمنى ولا تشمت بى الاعداء"
و اذا فى لحظة حسيت بضعف ممكن يكون سببه الشيطان اقول" اللهم انى اعوذ بك ان يكو ن الشيطان لى قرينا فساء قرينا"
بعد الخنقة هفكر بشكل تانى و هيكون قلبى مطمئن و عقلى مستقر و ابقى فى سلام نفسى و احل كل مشاكلى و يتفك كربى